25 September 2021

அஞ்சலிகள்! எஸ். பி. பாலசுப்பிரமணியம் அவர்களுக்கு…



2021

பாடல்கள் இசைக்கும் இடத்தில்,
தவிர்க்க முடியாதவர்,

புதிதாய்ப் பாடல்களைத் தராது,
தவிர்த்துச் சென்று,

ஓர் ஆண்டு!

எஸ். பி. பாலசுப்பிரமணியம் அவர்களுக்கு,
நெஞ்சத்து அஞ்சலிகள்!

நீங்கள் தவிர்த்துப் 
போனாலும்,
நாங்கள் தவிர்த்திட 
முடியாமல்,
உங்கள் இசைக்குரல்கள் 
எங்கிருந்தாகிலும் தினமும்
என்னைச் சேர்ந்திடுதே…

பாடும் நிலாவுக்கு
என் வானில்
பௌர்ணமி மட்டுமே…


2020

அமாவாசை - பௌர்ணமி
அமைதி - ஆரவாரம்
அன்பு - வன்பு
அண்மை - சேய்மை
அங்கு - இங்கு
அவசரம் - நிதானம்
அச்சம் - துணிவு
அடி - முடி
அதிகம் - கொஞ்சம்
அந்தம் - ஆதி
அரசன் - ஆண்டி
அவசியம் - அநாவசியம்
அறம் - மறம்
அனுகூலம் - பிரதிகூலம்
ஆம் - இல்லை
ஆக்கம் - கேடு
ஆக்கல் - அழித்தல்
ஆசை - நிராசை
ஆரம்பம் - முடிவு
ஆத்திகன் - நாத்திகன்
ஆதரவு - அநாதரவு
ஆரம்பம் - முடிவு
இறுக்கம் - தளர்வு
இசை - வசை 
இக்கரை - அக்கரை
இன்சொல் - வன்சொல்
இரகசியம் - பரகசியம்
இகழ்ச்சி - புகழ்ச்சி
இலாபம் - நட்டம்
இயற்கை - செயற்கை
இரவு - பகல்
இணக்கம் - பிணக்கம்
இணைந்து - தனித்து
இளமை - முதுமை
இம்மை - மறுமை
ஈரம் - வரட்சி
உயர்வு - தாழ்வு
உள்ளூர் - வெளியூர்
உள்நாடு - வெளிநாடு
உள்ளே - வெளியே
உறவு - பகை
உண்மை - பொய்
ஊக்கம் - சோர்வு
எளிது - அரிது
ஏகம் - அநேகம்
ஏற்றம் - இறக்கம்
ஏறு - இறங்கு
ஒருமை - பன்மை
ஒற்றை - இரட்டை
கனவு - நனவு
கடினம் - இலகு
கலக்கம் - தெளிவு
காய் - கனி
காடு - நாடு
காய்தல் - உவத்தல்
காலம் - அகாலம்
குறைவு - நிறைவு
குளிர் - வெப்பம்
குறுக்கு - நெடுக்கு
கேள்வி - பதில்
சண்டை - சமாதானம்
சரி - பிழை
சமீபம் - தூரம்
சாவு - வாழ்வு
சில - பல
சுத்தம் - அசுத்தம்
சுவர்க்கம் - நரகம்
சுகம் - துக்கம்
செல்வம் - வறுமை
செங்கோல் - கொடுங்கோல்
தர்மம் - அதர்மம்
தண்ணீர்  - வெந்நீர்
தன்வினை - பிறவினை
திருப்தி - அதிருப்தி
தூய்மை - களங்கம்
தைரியம் - அதைரியம்
தோற்றம் - மறைவு
தெற்கு - வடக்கு
தேய்தல் - வளர்தல்
தோன்றும் - மறையும்
நவீனம் - புராதனம்
நண்பன் - பகைவன்
நல்லது   - கெட்டது
நன்மை - தீமை
நம்பிக்கை - அவநம்பிக்கை
நிறைவு - குறைவு
நீதி - அநீதி
நோயாளி - சுகதேசி
ஞாபகம் - மறதி
நெட்டை  -  குட்டை
மயக்கம் - தெளிவு
மானம் - அவமானம்
மாரி - கோடை
முன்பு - பின்பு
முதல் - இறுதி
மேல் - கீழ்
பிறப்பு - இறப்பு
புராதனம் - நவீனம்
வலம் - இடம்
வரவு - செலவு
வள்ளல் - உலோபி
வாதி - பிரதிவாதி
விண் - மண்
விரைவு - தாமதம்
வினா - விடை
வெற்றி - தோல்வி
வீரன் - கோழை
வேதனை - மகிழ்ச்சி
ஆண் - பெண் 

(© நன்றி)

அனைத்து நிலைகளிலும்
அனைத்து இயல்புகளிலும்
அனைத்துக் காலங்களிலும்

நம் குரல் கேட்காது
நம்மோடு பேசியொலித்த
அற்புதக் குரல்...

எஸ். பி. பாலசுப்பிரமணியம் அவர்கள்...

*****

கடினமனச் சலனங்களில்
பாரம் இறக்கி..,
தொலைதூரப் பயணங்களில்
தூரம் குறுக்கி..,
நீண்டநெடும் பொழுதுகளில்
நேரம் சுருக்கி..,

இவர் பிரிவின் வாடலையும்
வருடி ஆற்றுகிறது 
இவர் குரலிசையும் பாடல்களே...

அனைத்து நெஞ்சங்களிலும்..,
அனைத்து இல்லங்களிலும்..,

சப்தநாடிகளின்
நிசப்தத்திலும்,
சப்தமாய்..,

எஸ். பி. பாலசுப்பிரமணியம் அவர்கள்...

*****

பிஞ்சுச் செவிக் காலம்தொட்டு
இன்றுவரை.., இனியும்..,
அந்தக் குரல் 
என்றென்றும்...

காற்றிருக்கும்வரை
சாகாது தம் குரல்...

எஸ். பி. பாலசுப்பிரமணியம் அவர்களுக்கு,
நன்றிகள் நிறையத் தூவி, இதய அஞ்சலிகள்...
🪔🕯🪔

No comments:

Post a Comment